近視減100度後再練習半年檢討

第一次睇賢哥視力網既文章係2009年2月既事, 事隔左2年幾, 淨係記得貝茲法三原則, 怡動,匯視,放鬆, Swing Window, 每日要做 Palming, E Scanning, 同記得有 Flash 呢樣野, 其他細節都唔記得

今年1月戴新藍色眼鏡 後, 幾個月都懶洋洋無日日練習, 直至4月29日再重新開始日日練, 3星期前將賢哥網站內容連問答印出黎, 共有479頁A4紙, 再重新睇一次, 特別重點 Highlight 方便易搵, 終於追到2009年2月之後無再睇既文章, 發覺左我一直將三種瞬間好視力 flash 當作一種 flash, 所以會覺得 flash 既出現好似奇奇怪怪無邏輯咁樣

我一直都係印象派, 無用視力表測試可以睇幾多行同幾耐, 回想番我既練習, 我係先坐床做25分鐘 palming, 再做右眼 e scanning, 再做左眼 e scanning, 最好視力時係做右眼 E scanning 時, 有大約數分鐘既意識型瞬間好視力, 即光亮同清晰, 但大多數時間都係光亮同幾秒鐘既清晰, 只有發生過一次睡醒後瞬間好視力, 大約一個鐘, 最神奇係2009年2月練習既第2日夜晚, 沖完涼發生左第一次幾秒鐘既下意識型瞬間好視力, 跟住就可遇不可求啦, 第2次都係發生既沖涼時間

呢幾日病病地, 幾日既視力都偏差, 改為一日練兩次坐床 palming, 做2次 e scanning 時仍然無發生意識型瞬間好視力, 改為一次坐床, 一次坐椅雙手放桌既 palming, 仍然無發生意識型瞬間好視力, 今日第一次做坐椅雙手放桌既 palming, 無發生意識型瞬間好視力, 夜晚改試賢哥自創既眼肌全然放鬆法15分鐘, 做時感覺有電力係頭皮上從穴位爬上頭頂咁樣, 做右眼 e scanning 幾秒後就發生意識型瞬間好視力, 仲維持左大約半分鐘

P.S. 我睇改進視力的自然療法文章, 一直誤會佢係2005年唔知幾多月開始練, 練左年幾, 直至2006年12月驗眼, 原來賢哥係2006年7月2日開始練習貝茲法, 2-3星期減去老花, 半年祼視, 12月驗眼時發現減去右眼175度近視, 左眼200度近視