西藏記事 : 搜查事件薄

香港机場出境，過海關如往時去旅行一樣，自備水是不可放手提行李。手提行李過X光机，人行過金屬探測机，完成。

重慶机場轉內陸机就黎料……打火机放寄倉行李都唔得排隊過海關時，有個大型透明膠盒比你自動棄置你既打火机。我張回鄉卡是最新既智能卡，唔知係咪新得滯，關員未見過以為係假卡，要Call 人黎驗卡, 先比我過。
⋯⋯
然後例牌放手提行李，外套過X光机，人就行過金屬探測机，再然後有位姐姐一手用手提金屬探測棒……幾吋幾吋咁掃我全身，另一隻手幾吋幾吋咁又摸又拍我全身。除左我媽咪和老公，從來從來都無被人咁摸過。摸完再坐底除鞋，又掃又摸對腳。充電包(尿袋)可放手提行李過，但後備電唔比過(寄倉行李都唔得，好在我今次旅行無帶)。

老公當然一樣，有位哥哥招呼佢。我地前前後後每一個乘客都一樣，全部人都搜，唔係隨机搜。搜一搜唔見左20分鐘。唔好話槍，差D連糞都入唔到境。

拉蕯机場囉寄倉行李，有位姐姐查行李標籤，可能太多人偷行李。
………………………………

在拉薩只要有廣場既物體，就会有安檢站，打火机和火柴請自動棄置。行李過X光机，人行過金屬探測机。

布達拉宮廣場，四方八面都有安檢站，(東門/西門/中門隊道)，再排隊入中門。又過安檢，唔單止打火机，連香煙和水也不可內進。 記低编號離開時可取回。行完幾百級樓梯，買完門票後，先有小賣部賣水。高原缺氧再行幾百級樓梯再無水補充氧氣，我無左半條命

參觀完布宮在東門離開，無得攞返香煙, 即要行去中門，去返安檢站 在國內買唔到香港煙，老公堅決要去囉！

少左半條命，午飯後回酒店揾周公
………………………………

重慶机場飛香港，又係人人都搜。過海關時我當然又被姐姐抽水啦, 我身上既暖貼都唔比過，攪左好耐，背包過完X光机停左好耐等我取。有個男人囉左我個背包，好在老公眼利睇到，即時喝止！