西藏記事 : 切記要戴口罩

西藏高原的低濕度並冇我想像中的乾燥，但大量基建工程，導致户外地方沙塵滾滾。

我在户外地方時有9成時間戴口罩，當地人亦有6成人口戴口罩。老公只有3成的時間戴口罩，便出事了。

回港後兩三天，晚上睡覺至半夜時，老公鼻腔突痛至醒，但無話我知。第二晚又痛醒，仲嘈醒埋我。連痛兩晚當然一起身即刻去私家醫院檢查，醫生診斷係因為老公(我都係)在西藏每日都流鼻血，有傷口再加上感染左細菌，所以回到香港濕度高就發作。食消炎藥一周。

係醫院檢查時，前一位女病人又係去完西藏返來，又係少戴口罩，除左鼻腔發炎外，成個呼吸道和肺都花哂。

在拉蕯的商店，三五步便有一間賣口罩，一次性和不同款式都有。