2002 業主．圓夢

申請左政府既首次置業計畫，終於可以圓業主夢

由於舊樓最多只可以做5成按揭，我地最後搵左間一手樓買樓花，公契無列明唔可以養狗，但若有3戶投訴，就唔可以再養，仔仔和囡囡可以光明正大咁出入

避過地產代理，直接搵售樓職員，Bargin Bargin 再 Bargin 下，減去本來比地產既佣金，降低樓價售出既價錢

選取同一座向，4個不同樓層，去求籤，一間會離婚，一間身體唔好，一間普通，一間鄰居好，我地買左鄰居好果間，入住後發現，隔離位伯伯唔鐘意狗，最多只會黑面同鬧下仔仔，唔會投訴

新樓貴，只可以要細單位，實用面積4百幾尺，減埋窗台，實際400呎，2房1廳，仔仔既惡夢由此開始

一入屋仔仔周圍行一圈，發現細左咁多，即時好唔開心咁訓埋一邊唔彩人

放埋傢俬後，仔仔完全無位跑，連避囡囡既空間都無，迫住直接比囡囡打，我亦因為咁更錫仔仔