2004 婚紗．攝影
上網做左好多資料搜集，包括後期油畫改大，UV保護膜，做相架，加相，底片，CD等等都係任公司開價，比人控制全完唔符合我同老公既做事方式，倒不如反客為主，我地開條件等佢地開價
***************************************************
2003年11月去行婚紗展，幾十間公司，花多眼亂，不過只得2-3間有外景拍攝，商量後選左間有外景拍攝既小型婚紗公司，其實係老公話佢地 Show 出黎既相影得最專業同埋有大套餐提供，選左個最大既套餐，Bargain Bargain 再 Bargain下，再加多少少錢就有我地想要既野
24" X 30" 大油畫連架一個 （其他公司果ｄ係 20"X24")
16" X 20" 中油畫連架一個 （老公要求加既）
11" X 14" 纖維相連架一個
8" X 10" 水晶相架三個（其中兩個係其他禮品換既）
12" X 18" 電腦相簿一本（包30款 UV電腦設計）
8" X 12" 相簿一本（包26款 UV 全版相）
5" X 7" 相簿一本（包21款 UV 全版相）
底片60張（我地要求加多2張）
CD一隻（包60張底片）（我地要求送既）
雙人5套禮服，化粧，Set 頭，補粧，配件，包車接送至外景場地，無額外收費
****************************
2004年4月14日，心情緊張下終於等到影相啦，選衫，我覺得件件婚紗睇上去都靚，晚裝我就好麻麻，民俗服幾得意，基本上係老公選唔係我選，老公選左幾件層次分明既，話影出黎效果會好ｄ喎，室內1套婚紗，1套晚裝加1套民俗服，試衫，原來婚紗係好重架，化粧，Set 頭，我完全唔習慣化粧，重要係厚粧，認真攞命，成塊面好似透唔到氣咁，好唔舒服
攪掂哂老公見我第一眼就話”好靚”，十幾年黎佢都唔知有無話過我靚三次，今次仲加左個好字，我相信包裝後既我真係幾靚
到影相時開始叫救命，個咀已經笑到硬哂，影相哥哥仲要我伸前條頸一吋，轉左一吋，擰側一吋，等等，笨絕既我擰來擰去，差ｄ要佢走埋黎擰我個頭．．．好辛苦但好難忘
影左半日室內收工，因為落雨，另外再約去影外景，我果時想想地唔再影外景，但無理由比哂錢唔影姐
影相哥哥叫我影外景果日著波鞋，帶對白色高爭鞋，但無叫我買鮮花球
一星期後影外景，先上去公司選衫，選左2套婚紗，試衫，化粧，出發前影相哥哥先話影外景有鮮花球會靚ｄ，但無時間去買啦，坐車去外景場地，影相哥哥即場摘左幾條草比我影，初頭都仲OK，中午開始曬，己經專登選4月影諗住無咁熱，都熱到傻，真大獲
我地去左馬鞍山公園，鐘意果到有歐陸建築，開頭影ｄ斯文既，影相哥哥叫老公扮幫我著高爭鞋，影相哥哥影完發現老公真係幫我著，好奇怪咁款，又快手影多幾張，好在影完高爭鞋，全程著波鞋，否則我實發皮氣唔影
影難忘係老公抱我企上個迷宮陣上面黎影，著住條咁重既婚紗，企係條幼幼既迷宮陣上面，好似行平衡木咁，當有風吹埋黎果陣，都驚驚地架
有一張我合上雙眼，老公企隔離，唯一好有結婚既感覺，我話呢張一定要，好在全個公園淨得我地影相，唔洗同人淨位或等位影相，影室外既印象係深刻過影室內好多架
本來未影前有心思思想過影多一間，影完即刻打消呢個念頭，咁辛苦唔好再攪我，有一輯靚既夠架啦，兩次半日夾埋影左三百幾張相，老公話影得少，起碼要有六百張佢先選到六十張喎，天真既我原本仲以為影百零張咋，返屋企落左三次粧先洗走所有化粧品，兩星期後去睇相
我心裡打算除非ｄ相達到超水準級數，否則唔會加相，以少於5位數字既價錢，超水準出現既機會唔大囉，睇相日，發現好多相其實好接近，選左部份室內影，部份室外影，有ｄ影時想像張相會好靚，但事實又唔係，有ｄ影時好普通，但出到黎係超水準，我真係花多眼亂，好多張都靚，其實化哂粧，SET 哂頭，打哂燈，點會唔靚呢，選左十幾張最鐘意既一定要，部份唔要，其他大部份再重新選一次，又選左十幾張鐘意既，部份唔要，剩底既每張細睇，老公再指出每一張既焦點，光位，顏色配搭，角度，構圖等等．．．，我睇落又係喎，有ｄ影點係一張都無要到，有ｄ係連要幾張，一個鐘左右60張終於出爐啦
再係60張入面，選3張做油晝同纖維相架，3張做水晶相架，3張做相簿封面，呢次兩個既心水都一致，選中同一張”執子之手與子皆老”做最大果張油畫，不過果張係近鏡，出到黎油畫入面既頭仲大個我個頭，好在化粧夠厚．．．
選左張超水準既單人做中油畫，一張全身雙人相做纖維相架，三套婚紗做左三個做水晶相架，三本相簿既排版由佢地安排
雖然影室外全程無花球，但朋友睇完話好有希臘既感覺，老公放左個水晶相架係公司，幾個同事男男女女先後睇完，都問同一個問題，”點解你會娶到個咁靚既老婆”．．．乜都補返哂啦，係化粧姐姐同影相哥哥既功勞
************************
我用CD番哂左60張8R相，係台灣訂左兩本婚紗相簿，自己加UV同裱相，婚宴當日比大家睇，睇完送左比 Mami 帶返澳洲
3本相簿我都無收埋係床下底架，每一年會睇一至兩次，數碼相就一個月睇一次
張大油畫掛左5年後，跌左落黎，跌爛左個架，我帶去做相架既舖頭再造過個架，師傅話點可能咁大張油畫用咁差既手法做鈎我都收貨喎．．．．
***************************************************
2003年11月去行婚紗展，幾十間公司，花多眼亂，不過只得2-3間有外景拍攝，商量後選左間有外景拍攝既小型婚紗公司，其實係老公話佢地 Show 出黎既相影得最專業同埋有大套餐提供，選左個最大既套餐，Bargain Bargain 再 Bargain下，再加多少少錢就有我地想要既野
24" X 30" 大油畫連架一個 （其他公司果ｄ係 20"X24")
16" X 20" 中油畫連架一個 （老公要求加既）
11" X 14" 纖維相連架一個
8" X 10" 水晶相架三個（其中兩個係其他禮品換既）
12" X 18" 電腦相簿一本（包30款 UV電腦設計）
8" X 12" 相簿一本（包26款 UV 全版相）
5" X 7" 相簿一本（包21款 UV 全版相）
底片60張（我地要求加多2張）
CD一隻（包60張底片）（我地要求送既）
雙人5套禮服，化粧，Set 頭，補粧，配件，包車接送至外景場地，無額外收費
****************************
2004年4月14日，心情緊張下終於等到影相啦，選衫，我覺得件件婚紗睇上去都靚，晚裝我就好麻麻，民俗服幾得意，基本上係老公選唔係我選，老公選左幾件層次分明既，話影出黎效果會好ｄ喎，室內1套婚紗，1套晚裝加1套民俗服，試衫，原來婚紗係好重架，化粧，Set 頭，我完全唔習慣化粧，重要係厚粧，認真攞命，成塊面好似透唔到氣咁，好唔舒服
攪掂哂老公見我第一眼就話”好靚”，十幾年黎佢都唔知有無話過我靚三次，今次仲加左個好字，我相信包裝後既我真係幾靚
到影相時開始叫救命，個咀已經笑到硬哂，影相哥哥仲要我伸前條頸一吋，轉左一吋，擰側一吋，等等，笨絕既我擰來擰去，差ｄ要佢走埋黎擰我個頭．．．好辛苦但好難忘
影左半日室內收工，因為落雨，另外再約去影外景，我果時想想地唔再影外景，但無理由比哂錢唔影姐
影相哥哥叫我影外景果日著波鞋，帶對白色高爭鞋，但無叫我買鮮花球
一星期後影外景，先上去公司選衫，選左2套婚紗，試衫，化粧，出發前影相哥哥先話影外景有鮮花球會靚ｄ，但無時間去買啦，坐車去外景場地，影相哥哥即場摘左幾條草比我影，初頭都仲OK，中午開始曬，己經專登選4月影諗住無咁熱，都熱到傻，真大獲
我地去左馬鞍山公園，鐘意果到有歐陸建築，開頭影ｄ斯文既，影相哥哥叫老公扮幫我著高爭鞋，影相哥哥影完發現老公真係幫我著，好奇怪咁款，又快手影多幾張，好在影完高爭鞋，全程著波鞋，否則我實發皮氣唔影
影難忘係老公抱我企上個迷宮陣上面黎影，著住條咁重既婚紗，企係條幼幼既迷宮陣上面，好似行平衡木咁，當有風吹埋黎果陣，都驚驚地架
有一張我合上雙眼，老公企隔離，唯一好有結婚既感覺，我話呢張一定要，好在全個公園淨得我地影相，唔洗同人淨位或等位影相，影室外既印象係深刻過影室內好多架
本來未影前有心思思想過影多一間，影完即刻打消呢個念頭，咁辛苦唔好再攪我，有一輯靚既夠架啦，兩次半日夾埋影左三百幾張相，老公話影得少，起碼要有六百張佢先選到六十張喎，天真既我原本仲以為影百零張咋，返屋企落左三次粧先洗走所有化粧品，兩星期後去睇相
我心裡打算除非ｄ相達到超水準級數，否則唔會加相，以少於5位數字既價錢，超水準出現既機會唔大囉，睇相日，發現好多相其實好接近，選左部份室內影，部份室外影，有ｄ影時想像張相會好靚，但事實又唔係，有ｄ影時好普通，但出到黎係超水準，我真係花多眼亂，好多張都靚，其實化哂粧，SET 哂頭，打哂燈，點會唔靚呢，選左十幾張最鐘意既一定要，部份唔要，其他大部份再重新選一次，又選左十幾張鐘意既，部份唔要，剩底既每張細睇，老公再指出每一張既焦點，光位，顏色配搭，角度，構圖等等．．．，我睇落又係喎，有ｄ影點係一張都無要到，有ｄ係連要幾張，一個鐘左右60張終於出爐啦
再係60張入面，選3張做油晝同纖維相架，3張做水晶相架，3張做相簿封面，呢次兩個既心水都一致，選中同一張”執子之手與子皆老”做最大果張油畫，不過果張係近鏡，出到黎油畫入面既頭仲大個我個頭，好在化粧夠厚．．．
選左張超水準既單人做中油畫，一張全身雙人相做纖維相架，三套婚紗做左三個做水晶相架，三本相簿既排版由佢地安排
雖然影室外全程無花球，但朋友睇完話好有希臘既感覺，老公放左個水晶相架係公司，幾個同事男男女女先後睇完，都問同一個問題，”點解你會娶到個咁靚既老婆”．．．乜都補返哂啦，係化粧姐姐同影相哥哥既功勞
************************
我用CD番哂左60張8R相，係台灣訂左兩本婚紗相簿，自己加UV同裱相，婚宴當日比大家睇，睇完送左比 Mami 帶返澳洲
3本相簿我都無收埋係床下底架，每一年會睇一至兩次，數碼相就一個月睇一次
張大油畫掛左5年後，跌左落黎，跌爛左個架，我帶去做相架既舖頭再造過個架，師傅話點可能咁大張油畫用咁差既手法做鈎我都收貨喎．．．．
Comments
Post a Comment